रवि छुटेको खुसीयालीमा झापामा नाचगान, उर्लियो जनसागर

झापा, भदौ । चर्चित सञ्चारकर्मी रवि लामिछाने ५ लाख धरौटीमा रिहा भएसँगै झापामा मंगलबार पनि खुसियाली ¥र्याली र धन्यवाद सभा गरिएको छ ।

झापाको बिर्तामोडमा स्वस्फूर्तरुपमा निस्किएका स्थानीयले ‘सत्यको जित भएको’ भन्दै ¥र्याली साथै नाचगान गरेर खुसीयाली साटासाट गरेका हुन् ।

¥यालीले बिर्तामोड बजार परिक्रममा गरेको थियो । ¥र्यालीमा सहभागीले एकआपसमा अबिर दलेर नाचगान गर्दै खुसीयाली साटासाट गरेका थिए । उनीहरुले अझै रवि लामिछाने र पत्रकार युवराज कँडेलले न्याय नपाइसकेकाले खबरदारी गर्न आह्वान समेत गरेका थिए ।

गत साउन २० गते चितवनको कंगारु होटलमा मृत अवस्था फेला परेका पत्रकार शालिकराम पुडासैनी आत्महत्या प्रकरणमा चितवन जिल्ला अदालतले न्यूज २४ का सीधाकुरा जनतासँग कार्यक्रमका सञ्चालक लामिछानेलाई ५ लाख धरौटीमा छाड्ने निर्णय गरेको थियो । यस्तै, कँडेललाई ३ लाख धरौटीमा र अस्मिता भनिने रिकु कार्कीलाई साधरण तारेखमा रिहा गरेको थियो ।

रवि पक्राउ परेयता उनका समर्थकले झापाको बिर्तामोड, दमक, सुरुंगा, गौरादह, केरखा र लक्ष्मीपुरलगायतका स्थानमा दैनिकजसो प्रदर्शन, ¥याली र कोणसभा गर्दै आएका थिए । सोमबार साझँ समेत स्थानीयले बृहत खुसीयाली ¥याली निकालेका थिए ।

Leave Comment

Your email address will not be published. Required fields are marked *