बीपी कोइरला स्वास्थ्य विज्ञान प्रतिष्ठान धरानका उपकुलपति ८ लाख घुससहित पक्राउ

धरानस्थिन बीपी कोइरला स्वास्थ्य विज्ञान प्रतिष्ठानका उपकुलपति डाक्टर राजकुमार रौनियार ८ लाख रुपैयाँ घुस लिँदै गरेको अवस्थामा धरानबाट पक्राउ परेका छन् । उनलाई अख्त्यिारको टोलीले बिहीबार घुससहित रंगेहात पक्राउ गरेको हो ।

उनीसँगै डा. रामहरि रौनियार पनि पक्राउ परेका छन् । प्रतिष्ठानको भवन निर्माणको ठेक्कामा कमिशन वापत सेवाग्राहीसँग घुस लिँदै गर्दा उनीहरु दुईजना पक्राउ परेका हुन्। रौनियारले विचौलियाको रुपमा घुस रकम लिएर उपकूलपतिलाई बुझाएका थिए ।

प्रतिष्ठानको भवन निर्माणको ठेक्कामा कमिशनको नाममा घुस मागिरहेको सूचना पाएपछि अख्तियारको केन्द्रीय कार्यालय टंगालबाट गएको टोलीले उनीहरुलाई पक्राउ गरेको हो ।

घुस रकमसहित पक्राउ परेलगत्तै उपकूलपति रौनियार स्वतः निलम्वनमा परेका छन् । बिपी कोइराला स्वास्थ्यविज्ञान प्रतिष्ठान धरानका उपकुलपति डा रौनियारलाई गत फागुनमा पदमुक्त गरिएको थियो।

पक्राउ परेका दुवैजनालाई अनुसन्धान अघि बढाइएको अख्तियारका प्रवक्ता प्रदीप कोइरालाले जानकारी दिए।

प्रतिक्रिया जनाउनुहोस्