नेपाल विद्युत् प्राधिकरणमा साढे ७ अर्ब हिनामिना

काठमाडौं । महसुल निर्धारणका क्रममा नेपाल विद्युत् प्राधिकरणमा झन्डै साढे ७ अर्ब रुपैयाँ अनियमितता भएको छ। लोडसेड्रिका बेला २० घण्टाभन्दा बढी विद्यूत् आपूर्ति हुने केही उद्योग र व्यापारिक फर्मलाई ‘अस्वाभाविक रूपमा महसुल छुट दिएको’ भेटिएको हो।

छानबिन गरी झन्डै आठ महिना गोप्य राखिएको प्रतिवेदनमा ‘बिलिङमा भएको गडबडीले नोक्सान भएको रकम ४ अर्ब २९ करोड ३८ लाख ६१ हजार ४सय ८ रुपैयाँ हुने’ भनी उल्लेख छ।

प्रािधिकरणका सञ्चालक भक्तबहादुर पुनको संयोजकत्वमा गठित समितिले आठ क्षेत्रीय कार्यालयमध्ये सबैबाट यसरी उठ्नुपर्ने रकम चुहावटभएको निष्कर्ष निकालेको छ। प्राधिकरणका कार्यकारी निर्देशक कुलमान घिसिङको सचिवालय स्रोतले भन्यो, ‘२०७५ चैत मसान्तसम्मकै हिसाब निकाल्दा अनियमितताको ग्राफ अझै बढ्नसक्छ।’ यो समाचार आजको कान्तिपुर दैनिकमा छ ।

प्रतिक्रिया जनाउनुहोस्