नेपाली शान्ति सैनिकमाथि सुडानमा गोली प्रहार

काठमाडौं- संयुक्त राष्ट्र संघको आव्हानमा शान्ति स्थापनार्थ अनमिस मिसन दक्षिण सुडानमा तैनाथ नेपाली सेनाको सिद्धिबक्स गण चौथो डफ्फामा कार्यरत एक सैनिक जवान शनिबार घाइते भएका छन्।

स्थानीय समय अनुसार बिहान ८:३० बजे खुट्टाको गोलीगाँठोमा गोली लागेर नेपाली सैनिक घाइते भएको सैनिक मुख्यालयले जनाएको छ। उनको दक्षिणी सुडानको राजधानी जुवामा उपचार भइरहेको छ।

दक्षिण सुडानको येइ भन्ने स्थानमा रहेको नेपाली सेनाको कम्पनी अपरेटिङ बेसबाट दैनिक पानी ढुवानी गरेर फर्कने सवारीको स्कर्टिङका क्रममा गोली लागेको र उनको अवस्था खतरामुक्त रहेको सैनिक जनसम्पर्क निर्देशनालयले जनाएको छ। सुडानको पिपल्स लिबरेसन आर्मी (एसपीएलए) का जवानले गोली चलाएको नेपाली सेनाको भनाइ छ।

प्रतिक्रिया जनाउनुहोस्